Rescue námskeið gerir þig að betri kafara

Rescue námskeið í köfun er bæði skemmtilegt og krefjandi. Best er að skrá sig með að minnsta kosti 10 daga fyrirvara.

Þegar þú skráir þig færðu sendan reikning í heimabanka. Þú greiðir reikninginn og færð sendan hlekk á bóklegan hluta Rescue Diver e-Learning.

Þú þarft að klára bóklegan hluta áður en verklegur hluti hefst.

Forkröfur eru:

• að hafa lokið að minnsta kosti “deep og navigation” köfununum úr Advanced Open Water
• að hafa gild skyndihjálparréttindi (yngri en 2 ára gömul)

Ef þú hefur þau ekki gild skyndihjálparréttindi áttu kost á að taka námskeiðið í vikunni áður en námskeiðið hefst.

Athugið að hámarksfjöldi þátttakanda eru 8 en lágmarksfjöldi 4. 

Námskeiðið er ekki kennt ef lágmarks þátttaka næst ekki. 

Skráning

• Rescue námskeið (kostar 79.900)
• Skyndihjálp – samhliða Rescue (kostar 7.900.-)

Athugið að nemendur sem hafa tekið Open Water og eða Advanced hjá Marbendli köfunarskóla fá 20% afslátt! (Fyrri nemendur hafið samband við Önnu áður en skráning fer fram til að virkja afsláttinn).

Hvar og hvenær er skyndihjálparnámskeiðið?

Skyndihjálparnámskeið verður haldið á miðvikudeginum 26. ágúst fyrir þá sem ætla á Rescue námskeiðið en vantar gild skyndihjálparréttindi. Áætlaður tími 16:30-22:00. Kennari á skyndihjálparnámskeiðinu verður Auður Elva, bráðalæknir.

Hvenær og hvar á að mæta á Rescue námskeið?

Laugardagur – Allur dagurinn

Á laugardagsmorgni 29. ágúst er mæting kl. 8:30 í sundlaug (nánar síðar-væntanlega sundlaugin Laugaskarði Hveragerði). (Áætlaður tími 8:30-12:30 í sundlaug 14:00-17:00 í bóklegt í húsi Sportkafarafélagsins við Nauthólsvík).

Sunnudagur 10:00-15:00

Á sunnudagsmorgni er mæting kl. 10:00 á köfunarstað. Það fer eftir veðri hvert verður farið. (Áætlaður tími 10:00-15:00).

Hvað get ég gert með Rescue réttindi?

• Greint streitueinkenni hjá köfurum fyrir og eftir köfun.
• Veitt fyrstu hjálp í köfunarslysum eða atvikum.
• Greint og brugðist við vandamálum hjá kafara bæði á yfirborði og neðansjávar.
• Skipulagt og framkvæmt björgun á yfirborði og neðansjávar.
• Stýrt björgun og virkjað óreyndari kafara.
• Veitt upplýsingar til lækna og lögreglu.
• Gefið súrefni á köfunarstað.
• Greint og brugðist við skaða vegna sjávarlífvera.

Athugið að best er að skrá sig um 10 dögum fyrir auglýst námskeið. Þannig næst góður tími til að lesa og gera verkefni í PADI e-Learning á netinu. 

Innifalið í verði á Rescue námskeiði er:

• Kennslugögn
• Kennsla
• PADI skírteini
• EFR- skyndihjálparskírteini – fyrir þá sem taka námskeið í skyndihjálp samhliða.

Ekki innifalið í verði:

• Leiga á búnaði
• Akstur á köfunarstað
• Nemendur verða að gera ráð fyrir því að þurfa að koma sér sjálfir á köfunarstað